Reykjavik er absolutt alt eg håpa på det ville vere. Det er akkurat passe stort. Ein forsvinn i mengda når ein ønsker men det er heller ikkje vanskeleg å bli kjend med folk. Det er eit svømmebasseng i kvar bydel – alle utstyrt med varme kjelder, nokre med både utandørs og innandørs basseng. Vatnet er naturleg oppvarma, og det er mykje mindre / ingen klor. Lokal musikk og design er lett tilgjengeleg, det same gjeld naturen. Bussar ut av byen er ikkje vanskeleg å oppdrive, om ein vil reise organisert med turistopplegg eller finne fram på eiga hand.

Så her sit eg, første skuledag og et gulrotkake til lunsj. Skulen er så som så. Så ærleg kan eg vel vere. Ikkje like stor fleksibilitet som eg hadde håpa på, men elles er det veldig lovande. Akkurat den delen kjem litt i andre rekke for meg. Det er så overveldande mykje bra her at eg klarer ikkje verte skuffa om eg så hadde prøvd. Dette kjennes som heime allereie. Neste søndag skal eg nordover for å sjå på endå meir natur, pluss fuglar og kystlinje. Nokon ting må ein få gjort før vinteren set inn og været gjer det vanskelegare å gjennomføre. Eg har allereie fått favorittstader i Reykjavik, og eg gler meg til å gjøyme meg på kafé kalde vinterdagar og grave meg ned i tjukke ullskjerf (sistnevnte har eg allereie byrja med – her er det 13 grader toppen, bra at eg trives i kulden.)

Førebels bur eg på hostel, og sjølv om eg er svært positivt overraska over kor bra det går å bu i eit køysengerom med 12 andre jenter blir det fantastisk å få noko som er mitt. Eg har kjøpt to kaffikoppar og eit lite kaffibrett og gler meg til å kunne brygge kaffi på mitt eige rom før eg skal på skulen. Me har ikkje undervisning før klokka 13, som opnar for bra morgonar og lite stress (eg hatar å stresse). Kanskje til og med litt produktiv jobbing, eg har ein tendens til å vakne tidleg sjølv når eg ikkje trenger det.

Eg kjem til å lage ein Reykjavik-guide. Eg er klar over at etterspurnaden for ein slik guide er svært liten – men eg oppdagar for mykje bra her som ikkje er tipsa om nokonstad til å la vere. Plutseleg ein dag er det nokon som skal til Reykjavik og som trenger akkurat ein slik type guide som eg kan lage. Dessutan er det fint for min eigen del også! På bloggen opprettar eg kategorien “Reykjavik” for å dele favorittstader i byen, og “Island” for meir generelle fotosamlingar etc. Dette landet er perfekt for meg. Eg har gjort eit bra val.

14 thoughts on “Notes

  1. då vil eg gjerne vere ein av dei få som spør etter ein slik guide, for reykjavik er ein av stadene på “må opplevast”-lista mi. (gjerne med ein eller to fine.) så eg tar gjerne i mot alt du kan anbefale av kafear, stader å vitje, ting å oppleve osv!
    gledar meg til å høyre meir om livet og skulegongen på island, og masse lukke til!

  2. Jeg er helt enig – skolen er ikke nødvendigvis det viktigste når man tar et opphold utenlands! Omgivelsene og miljøet tilfører oss minst like mye. Det er så godt å kjenne at man har valgt rett. Gulrotkake for alltid, hoho!

  3. Dette her er så sykt gøy å høre om! Veldig bra at du allerede trives. Jeg elsker ordentlig god kaffe ( som magnus kverner og lager, snill type). Gleder meg masse til å se guiden. Jeg har jo lenge hatt ønsker om å dra til Island og Reykjavik, så for min del er dette bare et stor pluss!

  4. Synes det er en veldig fin tanke. Å reise med dobbel turistguide rundt Island gikk fint, men mange av tipsene var ikke nødvendigvis unge. Tror du kan ha en fin stemme i den kategorien!

  5. Har alltid hatt en stor drøm om å reise til Island. Lag guide! Den dagen jeg kommer meg så langt skal jeg søke den opp og finne den frem og prøve så mye som mulig samtidig som jeg skal finne nye ting. Gleder meg til å få se og vite mer 😀

  6. Jeg leser innleggene dine om Island og jeg ser på bildene og det gjør vondt i magen for jeg har så lyst til å dra dit!
    Jeg håper du får noen fantastiske måneder der, og please lag en guide – en dag kommer jeg til å trenge det.

Leave a Reply

Your email address will not be published. Required fields are marked *