2

Untitled

Untitled

Tar ikkje så mykje bilder for tida, så det blir lite bilder å poste også. Gler meg til dagane blir lysare og eg kan gjøyme med meg kamera overalt igjen, men enn så lenge får det bli litt meir teikningar og sånnt.

Twenty one

I dag er eg 21 år! Eg skal ete ute og gå med cæps og feire heilt til det ikkje er bursdagen min lengre og endå litt til. Det blir den beste bursdagen eg har hatt på lenge! Stova vår er snudd på hovudet og alt er klart for ein minnerik kveld stappa med bra folk til taket.

2013-lista

Untitled

Untitled

Untitled

Gjorde du noko i 2013 som du aldri har gjort før?
Eg tok fly heilt åleine for første gong, både innland og utland, og så var eg jo festivalgrafikar!

 

Gjorde du nokon stor forandring?
Våren 2013 bestemde eg meg for å søke på Kunst- og Designhøgskulen i Bergen, og same haust sa eg farvel til Norges Kreative Fagskole og byrja der i staden. Ganske stor endring, men ei veldig god endring.

 

Vart nokon av vennene dine foreldre i år?
Ja! Både i januar og april.

 

Kva dato frå 2013 kjem du alltid til å hugsa?
20. februar! Dagen eg fekk mail der det stod “Ditt bidrag var kreativt, og du har en spennende teknikk, derfor ønsker vi i Phonostyret å tilby deg stillingen som festivalgrafiker.”

 

Kva for land besøkte du?
Polen, Italia, Danmark.

 

Beste kjøpet?
Den enorme sekken eg får plass til alt eg trenger i.

 

Gjorde noko deg skikkelig glad?
2013 har vore det gladaste året i mitt 20 år lange liv. Eg har for det meste vore skikkeleg glad, og hatt veldig mykje å vere skikkeleg glad for.

 

Mangla noko frå 2013 som du vil ha i år 2014?
Endå fleire betalte designoppdrag please.

 

Kva skulle du ønska du gjorde meir?
Skulle ønska eg brukte meir tid på å prøva å læra meg Photoshop.

 

Kva skulle du ønska du gjorde mindre?
Stressa!

 

Kva er ditt største framskritt på jobben i 2013?
I løpet av året har eg fått jobb som Festivalgrafikar for Phono (2014 også, hold dykk fast!), Grafisk Designar for plateselkapet Klangkollektivet og Designansvarleg for Studentradioen i Bergen. Det er eit ganske stort steg fram frå ingenting.

 

Ditt største framskritt privat?
Eg er stolt over det eg gjer! Hurra!

 

Noko du ønska deg og fekk?
Fullformatskamera!

 

Finst det noko som hadde gjort året ditt enda bedre?
Nei, då hadde det nok eksplodert av for mykje bra greier.

 

Dei beste nye menneska du møtte?
Fekk ein heilt ny klasse proppfull av bra menneske på KHiB, og via jobb og diverse tilfeldigheiter har eg i år vorte kjend med mange fleire enn eg kan hugse eg har gjort nokongong. Så heldig eg er!

 

Kva er du mest stolt over?
Phonofestivalen.

 

Høgaste ønsket akkurat no?
At utvekslingssøking for 2014 går smooth og at eg problemfritt kan ta meg eit semester på Island!

 

Kva tenkjer du å gjera annleis neste år?
Gjera endå meir av akkurat det eg har mest lyst til og litt mindre av det eg har sånn halvhjarta lyst til. Bekymra meg mykje mindre og tenkja at det eg gjer er bra i staden for å vera usikker på det heile tida.

 

Via hjartesmil

Bergteken

Untitled
Untitled
Untitled
Untitled

På sjølvaste julafta flytter eg inn i ny internettheim. Er ganske nøgd med det igrunn! Creativo vart Mon Dieu, og i same slengen vart Tenkepauser til Bergteken meir på ordentleg. Som alltid enorm takk til Luca som fiksar og ordnar design! Bloglovin-følgjarar blir automatisk flytta over, men om ein følgjer meg på anna vis må ein hugse å byte url eller rett og slett byrje å følgje meg på facebook.

Velkommen til ny blogg! Og håpar alle har ei skikkeleg bra jul!

Bergteken – del 1

Eg har hatt lyst til å endre namn på bloggen min lenge. For det første fordi “tenkepauser” ikkje er nynorsk eingong. Og eg er heilt klårt ein nynorsk-bloggar. For den andre er det ein url som eg har brukt sidan eg starta blogg for lenge lenge sidan, ikkje spesielt gjennomtenkt i det heile. Samstundes ville eg vente med å endre adresse til eg var heilt sikker på kva eg ville endre det til, for det er ein liten prosess knytta til det der med flytting.

Men no tar eg eit lite steg, eg endrar namnet men ikkje adressa. Adressa kjem etter seinare ein gong, eg eg seier sjølvsagt frå når det skjer! Men så kan ein bli litt van med det nye namnet før ein hoppar i det også.

Bergteken.

Eg rota det fram frå eit fjernt minne om eit skodespel eg var med på som førsteklassing. Historia om Brita frå Undredal som blir bergteken av huldrene og aldri kjem tilbake. (for spesielt intresserte fann eg til og med bilete frå det heile på Aurland.com)

Men ordet bergteken betyr for meg å bli fjetra, rive med av noko vakkert. Det er eit klingande ord, og det representerer det eg vil at bloggen min skal vere. Så då blir det vel ikkje så mykje betre, det er akkurat eit slikt namn eg ville ha. Så passar det jo bra at eg kjem frå høge Sogn med sine høge berg og djupe dalar og med huldresoger og heile pakken. Velkommen, håpar du blir bergteken! Det vert vel bra.

Var berre det eg ville seie!

Lenge, lenge flyr de. Helt til Dagsrevyen begynner.

Albert Åberg / Alfons Åberg av Gunilla Bergström
Albert Åberg / Alfons Åberg av Gunilla Bergström
Albert Åberg / Alfons Åberg av Gunilla Bergström
Albert Åberg / Alfons Åberg av Gunilla Bergström

Den siste tida har me drive med karakterutvikling på KHiB, og i den samanheng henta eg fram ein av figurane som har betydd så enormt mykje for meg i oppveksta,  Albert Åberg og ikkje minst Pappa Åberg. Pappaen til Albert er nemleg heilt lik min eigen pappa, med pipe og (mangel på) hårmanke og det heile. Tykkjer illustrasjonane er fantastiske, endå betre enn eg hugsa dei. Kanskje fordi ein får augene opp for slikt når ein vert eldre.

Super

Notatbok
Notatbok

Eg prøver å vere litt super for tida. Har tid til litt meir enn vanleg, ryddar tid til meir enn vanleg. Søker jobb og seier ja til alt eg har lyst til, er flink til å svare på mail og skrive ned i planleggingsbøker og notere og kjøpe ting som eg faktisk trenger. Flink til å gjere akkurat passe mykje av alt! Teiknar i notatbøkene mine og kjenner meg som kunststudent på ordentleg i klasserom med store vindauger og høgt tak. Ting er ganske supert.

Teikningane er forresten mulig å kjøpe av meg på Society6 som art print eller pute eller mykje anna rart. Forest green (nummer 1) & Notebook tree (nummer2)

Litt meir Phono

Handlenett
Handlenett
Handlenett
Handlenett
Handlenett

Å vere festivalgrafikar er som ein draum. Eg får gjere alt eg kunne ønska meg på ein gong. Sjølv om handlenettet eigentleg er gamalt nytt fekk eg mitt eige først i dag, og det kjennes så utrulig bra å endeleg sjå det på andre måtar enn bilde på instagram. No skal eg gå rundt med mitt eige design og reklamere. For både meg og Phonofestivalen (som nærmar seg med stormsteg!)

Tysdag

Tysdag jobba eg aller først med Phono, var på møte og skreiv ned og planlagde og fann løysingar. Det er kjempespanande, for det er faktisk ikkje så mykje igjen. Det viktigaste gjenstår å trykkast, men det skjer ikkje før til hausten, som gjer at eg har god tid til pirking og planlegging.

Untitled
Untitled
Untitled

Så etter møtet laga me taco, eg og Erick.

Untitled
Untitled
Untitled

Så gjekk me til byen i sola og eg måtte stoppe opp og ta litt bilder av hus med sol på.

Untitled
Untitled

Og til sist sat me på golvet på Landmark og høyrde på Shugo Tokumaru og det var skikkeleg skikkeleg bra.

Untitled
Untitled

Ting eg har lyst til å fortelje om

Untitled

I helga var Ingeborg var på besøk, så me gjorde omtrent alt ein kan gjere i Bergen. Kafé og Fløien og Nordnesparken og endå meir Kafé og det var faktisk skikkeleg vår! Laurdagen dansa me på Østre og på Landmark og det kjendes som heile helga var full av menneske fordi eg har møtt så mange og funne på så mykje.

På fredag publiserte Phono si nye nettside (eg var med å lage småting til designet men ikkje sjølve sida) så plutseleg hadde eg litt meir å gjere ein torsdagskveld enn eg rekna med. Men det er så gøy at det gjer ingenting. Om nokon lurer litt på kva Phonofestivalen er så kan ein no klikke seg inn på phonofestivalen.no og sjå!

Laurdagsnatt hang plutseleg teaserplakaten min ute i byen, og det var kjemperart å sjå den fordi den var ikkje heilt som eg hadde tenkt, men så fann eg ut at den såg mykje mykje betre ut i ikkje-nattelys.

Og så har skikkeleg mange slengt ut kompliment om Phonodesignet i det siste. Ingenting gjer meg gladare no eigentleg.

Eg er kjempedårleg til å ta bilder for tida sjølv om det endeleg er mogeleg å ta bilder i vårlys som eg har gleda meg til så lenge. Eg er berre grafisk designar for tida og ingenting fotograf. Eg skal bli betre til å vere begge deler.

April

Untitled
Untitled
Untitled

I vinter drøymde eg om alt som skulle bli mogeleg til våren, sitte ute på kafé og ha endå meir tid til overs, og akkurat slik vart det. Frå april og til sommarferien har me mykje mindre undervisning enn me vanlegvis har, og eg fyller tida med Phono og får besøk langvegsfrå og drikk te til klokka kryper over midnatt og teiknar i fellesskap og ikkje minst sit på kafé ute i sola. Eg gløymer å ta bilder for tida men kvardagar som desse burde eigentleg bli foreviga slik at eg kan ta dei fram igjen på regnværsdagar, så eg har lova meg sjølv å kjøpe fargefilmrullar og fange vårlyset. Tida går så fort men det er vel berre eit teikn på at ein har det gøy.

Post

Når eg kom heim til Aurland låg det masse post og venta på meg, eg elskar jo gøy post!

Endeleg har eg fått meg ein stor sekk. Som kreativ student skal ein ha med seg både det eine og det andre til og frå skulen heile tida, har lenge tenkt på å skaffe meg ein større, men fann ikkje den riktige storleiken og formen nokon stad. Før for ikkje lenge sidan! Common Sense Valter Backpack, frå Sverige.

Untitled
Untitled

Frå andre sida av verda (les: Australia) kom det søtaste brevet eg har lest på lenge saman med Yen magazine, skulle ønske me hadde magasin som dette i Noreg!

Untitled
Untitled
Untitled

Og frå andre sida av havet kom ei bok som før tilhøyrde Ypsilanti District Library, men som no er berre min. Full av heilt utrulige broderi, eg får lyst til å prøve nokon sjølv, men eg veit jo at eg eigentleg ikkje har tolmodigheit.

Untitled
Untitled